Vi facenu un surrisu
È posanu una cria
In lu so paradisu
Ci manca qualchissia

S’inventanu l’amore
E sere senza cena
Una lacrima corre
S’addurmentanu à pena

Vi piglianu a manu
Li si pare di tene
Un frisgiu di veranu
Un filucciu d’awene

A soia a furtuna
S’hè frusta in la memoria
E solu un chjar di luna
Appacia la so storia

Vi dicenu I secreti
Ch’elli portanu in core

Si facenu discreti
Quand’ellu ci vole à more

Un ghjornu si ne vanu
Nisunu l’accumpagna
Qualla a cuntaranu
A soia a cuccagna

È noi ùn li vidimu
È noi ùn li sentimu
È noi chì ne dimmu
Di quelli chì
Ùn quelli chì
Quelli chì ùn anu a nimu
Quelli chì ùn anu a nimu
Quelli chì ùn anu a nimu...